Re: Poezi të krijuara nga forumistët

nga **Sofra** prej Fri Jul 18, 2008 6:41 pm

12.

Vjeshta është afër

Or Mik

Ditët afrohen
me drithmat e zemrës
në errësirë

afrohen ditët
sikur hapat në ugare...

Or Mik

Ti vjelim frutat
që pikojn djersë
Vjeshta është afër.

nga **Sofra** prej Sat Jul 19, 2008 9:48 am

13.

Melankoli

Pes minuta
pa njëzet e katër,

në tavolin
një gotë
një laps
mbi fletë
dhe një fotografi,

sikur përgjojnë
heshtejn time.

nga **Sofra** prej Sat Jul 19, 2008 9:50 am

14.
Unë dua

Unë dua
me gjarprin në gji t'mos jetojm
me ta t' mos na krahasojnë

Unë dua
nga të vërtetat e zemrës sonë të mësojnë
rrugët e jetës t'mos na i ndalojnë

Unë dua
nga puna e jonë
njerzit lirshëm urat t'i kalojnë .

nga **Sofra** prej Sat Jul 19, 2008 9:50 am

15.

Ç'më mahniti ajo bukuri
për herë të parë kur u takuam
fytyra e saj shkëlqente si nuri
tikë-taket e zemrës m'u shpejtuan...

nga **Sofra** prej Sat Jul 19, 2008 1:05 pm

17.

Atdhe

Nënë moj, më ka marr malli
të t'i shoh stolit e ballit
sikur bora në Kelmend
secila rrudhë
ngritur beden....

Nënë moj, oj nënë loke
sa armiq mbetën për toke
lakmitar të verdh e zi
ulurojnë për kob të ri....

syri yt i rrall
Pirg i ngritur në ball.

nga **Sofra** prej Sat Jul 19, 2008 2:31 pm

18.

Mall

Ti më je si valë deti
drejt bregut që shpejton
si një melodi e lehtë
në mendjen time vjen pushon....

Ti ec shpejt si valët e lumit
përmes pyllit me rrëmbim
vjen e ëmbël drejtë krahrorit
në zemrën time gjenë pushim.

nga **Sofra** prej Sat Jul 19, 2008 2:32 pm

19.

Ti vjen

Ti vjen
Mbi krahët e dallëndysheve
me bulëzimin e parë të sythave.

Ti vjen
në fazën e nëntë
të nëntditëshit
kur largon akullin
dhe çelë lulet në bjeshkë.

Ti vjen
më mallëngjen.

nga **Sofra** prej Sat Jul 19, 2008 2:36 pm

20.

Deri tek unë e ti

Dielli lëshohet ngadal
krijon ngjyra tërheqëse
mbi vargmale
më e bukur se dita
vjen nata...
deri tek unë e ti.

nga **Embelsira** prej Sat Jul 19, 2008 3:29 pm

Sofra te lumt o i nderuar,qe po na jep rastin t'i lexojme keto poezi kaq te bukura.
Respekt per ty!

nga **Sofra** prej Sun Jul 20, 2008 6:38 pm

**Embelsira** shkruajti:Sofra te lumt o i nderuar,qe po na jep rastin t'i lexojme keto poezi kaq te bukura.
Respekt per ty!

Faleminderit Ëmbëlsira, lexim të mbarë.

21.

Në Gërdec

Mes predhave të vdekjës
kanë ulur kokën lulet
sikur nuk i gëzohen pranverës.

Në Gërdec...

Një Nënë me plagë në trup
ndëgjon rënkimin e fëmijës
sheh një plak të vdekur
një fëmi të karbonizuar.

Në Gërdec....

njerzit e përlotur
shikojnë
zjarrin
tymin
shkrumbin,

ndëgjojnë
rënkime
pshertime
që dalin

nga zemrat e përvluarë.

nga **Sofra** prej Tue Jul 22, 2008 4:54 am

22.
Yjet

Pulsimin e yjeve
nuk e kuptojnë

as furia e ftoftë
në nata e zezë
as shiu me shtërgatë
me krrokamën e zezë,
të korbave

Nuk e kuptojnë
pulsimin e yjeve
deri në mëngjes.

nga Euridika prej Tue Jul 22, 2008 11:38 am

Sofra shkruajti:Yjet

Pulsimin e yjeve
nuk e kuptojnë

as furia e ftoftë
në nata e zezë
as shiu me shtërgatë
me krrokamën e zezë,
të korbave

Nuk e kuptojnë
pulsimin e yjeve
deri në mëngjes.

përgëzime i nderuar..fjalet jane të teperta prandaj pergezime dhe vazhdim të mbarë ..poezi shuumë e mirë

nga **Sofra** prej Tue Jul 22, 2008 2:10 pm

Faleminderit Euridikë, lexim dhe postime të mbara tek temat e poezive.

23.

Hijet

Hijet e gjata s'ndëgjojnë
rënkime netëve
deri vonë

Vazhdojnë valle të hedhin
nën pshertimat e hënës.

nga Poeti prej Tue Jul 22, 2008 2:29 pm

NJË RREZE

Në jetën time hyre e ngrohtë

Si një rreze dielli në verë,

Hyre dhe zemrën më ngrohe

Hyre dhe do mbetesh në te përherë!

Pyes vehten si ka mundësi

Që dhe nata e errët të bëhet ditë,

Me ty zemra s’është qudi

Sepse shpërndan pandërpre dritë!

Do të shkëlqesh jeta ime

Nga sot e përherë,

Me ty shpirti im

Edhe dimri është pranverë!

Dhe një ditë kur të ik nga kjo botë

Zemra ime do mbetet me Ty,

Sepse ti e ngrohe si një rreze

Dhe do ta ruajsh me ngrohtësi!

20.07.2008 / 22:45

nga **Sofra** prej Tue Jul 22, 2008 7:05 pm

Poeti, mirë se erdhe në mesin tonë dëshirojë që edhe në t' ardhmen të lexojm poezi kaq të mira si kjo më lartë.

Sukses Poeti.