Antologji Poetike Korsi e Hapur 1 viti 2008

Dino Kubatis, President i Lidhjes “Klubi i Ideve” Salaminë. Autor i mjaft veprave në gjini të ndryshme letrare.

Në stacionin e trenit

Sa kanë ikur

dhe unë kam mbetur

në stacionin e trenit.

Të pres kot

të kaloj në shinat…

Kam një ankth të pasigurisë.

Lutja

Harta e kurmit të Globit

dhe zemra jote e pashkelshme në Parajsë…

Bëj premtimet e dëshirave, mijëra.

Me mirënjohje u varën n ë buzët e shenjta.

Në kufij të orëve

Te kufijtë e orëve qëndroj

dhe sa kanë kaluar

u ngjajnë minuatve të humbura të vitit.

Në kufij të orëve qëndroj…

Edhe sa vijnë trokitje zemre

do të na sjellin,

kufinj kronikë,

dika të gënjyer.

Edhe sahatët, disi pa qëllim,

numërojnë orët,

një zbulim im i rremë

që të harrohen

numëra të tjerë pa qëllim.

Përktheu nga greqishtja: Kosta Gaxhoni.

Dimitris P. Kraniotis

President i Lidhjes së

W.P. S.

Poetit të territ

Poetëve Konteporanë

Për nder të poetit të pabotuar

Të lumtë!

Ke fituar,

Nuk duhet të të vijë keq.

Poemat e tua t ë pabotuara

do të jenë gjithmonë të kujtuara.

Nuk janë të varrosura,

nuk janë të përthyera nga fuqia e kohës,

si ari brenda dheut dhe ato qëndrojnë,

dhe kurrë nuk shkrihen…

Mund të vonohen,

ato t’u jepen njerëzve të tyre dikur,

për t’u shtuar esencën e tyre të ëmbël

dhe të përjetshme.

Përktheu: Aleksandra( Majlinda) Shabani

Vargu krijues

Tymi i cigares

dhe kupa plot kafe…

Në krah të vargut të krijuar

kupa me kafe;

vorbulla e fjalëve

shtrihet kundrejt,

dhe …

përkulje

me heshtjen time.

Ideale

Bora mbuloi malet,

monumentet e hershme,…

një erë veriu na përkulet;

një mendim rrjedh

… figurina të ngjyrosura

me himnet e historisë.

Fjalët në shenja

me idealet gjeometrike.

3. Iluzione

Rrudha të pazbuluara më shumë

në ballin tonë,

kufijtë historikë

hedhin vështrime indirekte,

dridhëse

në vargjet e Homerit.

Iluzione

plot faj,

pastrojnë pëshpëritjet e plagosura

tek bëhen jehonë

në shpellandriçuarat

të budallenjve

dhe… të pafajshme.

Përktheu nga anglishtja në shqip : Drian Kardhashi

Fundi

Shija e frutave

qëndron akoma

në ”aromën” time,

por hidhërimi i fjalëve

shkatërron retë

ose rrudhos borën;

“shtrydh” borën.

Po ti, kurrë nuk më the,…

pse me dhimbje dhe padrejtësi

ti dëshiroje të thuash….,

së fundi, gjithmonë në lot.

“Mos”-et dhe zerot

Nata përmbyti

momentet e pafundme,

Dëshërimin e të jetuarit….

Përfundoj pa ndezur

qiririn tim.

Kam dëshira zjarrtare

të ngrohem

te “Mos”-et dhe “Zerot”.

Përktheu: Aleksandra( Majlinda) Shabani

Evdhokia Mulianaki Varvaropulu

* * *

Bie gjethja e verdhë flori në dhe',

ngjason loti shikimin - diamant

në dhimbje...

Vjen nata dhe përhap yjet,

sikurse vjen ti

dhe dashuri mban në të dy duart.

Reja hedh borë,

pluhur argjendi mbi degët,...

Dashuria

na hap krahët e arta në zemër.

Evangjelos Koçiu

Pa titull

Dëbon ikjen që ndjek,

shtyn çastin që trembet

dhe kështu burrërohesh në mendje.

Vrapon me mendimet që t'i kapësh

argëtimet e shpirtrave

që t'i riparaqesësh.

Dhe .. i lehtë udhëton

në fatin tënd.

Angjeliki Siri

çmime të reja

Zhurmë, shumë zhurmë.

Metalike monedha dhe bankënota.

Evro pesëshe dhe dhjetëshe.

Një evro për ekonominë.

Pesëdhjetë qindarka për mbledhjen.

Një dhjetëshge për papunësinë.

Një pesëshe për Shpresën.

Antonis Simigdhalas

Tradhtarët

Kacekët dhe kudhrat

pamje punishteje

në qytet dhanë,

kurthet dhe gozhdat

kërkesë të madhe kanë.

po për Zotin!

Secili nga ne

është efendi dhe gjykatës.

Edhe gjykojmë

për vdekjen në kryq

tërë ditën

dhe tërë natën.

Shumnë pëllëmbë ndërnjerëzore...

Po ku janë tradhtarët?

U fshehën prapë para vetes tyre!

(Mëkatarët)

Zaneta Kaliva Papaioannu

Nostalgji

Në krevatin e dhimbjes

e vetmuar një mbremje,

sa do të doja të kisha përkëdheljen tënde.

Nostalgjia më kap,

nga dhimbja frikësohem

dhe me dhimbje të madhe

emri yt shqiptohet.

Theodhora Kufopullo Iliopulo

Eklipsi i Epokës

Të presësh pranverë

e borë të bier.

Të llogaritësh

shumë e vetmuar të jesh...

Bredh hapësirën tënde,

i huaj të ndihesh.

Të kërkosh dritë,

eklipsi i epokës të jetë!

Rula Dhimitrokali

Pa titull

Plagë në lëvizje të kaltra,

të shtënat në valë të mendjes

ndjenjësore.

Të çara në kujtime

dhe në ndenja të fundme.

Rikthimet në kambanat

mjaft të harruara.

Konstrukte

në ekzistenca të humbura, stoike.

Ndarje nëk kallëpe

me trupa bizantine.

Klithma në formë athonike,plastike,

të frikshëm dhe shpresëdhënëse.

Rea Zogari Kapordheli

Mungesë

Jam vetëm!

Ikën.

Triumfi dhe pasthirrmat

pushuan.

Vetëm bashkëshoqëron

të shkuarën tënde.

Prezenca jote është e vazhdueshme

për ata që të dashuruan.

Ngushëllimi është

e qeshura jote e përkëdhelur.

Mjafton të arrish

në pikëmbërritjen tënde.

Ai është afërti i të vegjelve

dhe të mëdhenjve.

Potis Katrakis, Greqi

Imitim

Imitim të formës sonë,

pikturojmë në tablo dhe në letër,

mbrojtje në humbjen e kohës.

Imitim të lindjes dhe të shpirtit

pikturojmë në veprat tona

që të ecin të vegjëlit përpara,

kopjim të mendjes dhe të shpirtit

lënë vetëm njerëzit.

Zaharulla Gaitanaki

Një plasje e derës

Nuk të takojnë hijet

që shënojnë këndin,

çdo gjë që humbet gjallërinë,

ngri sytë e tu lart,

jepi shikimit tënd krahë

në lartësi të arrijë,

kudo që do të nxjerrë zemra,

në çdo liman të marrë në prehër,

gjej strehë dhe pushim.

Një plasje po të shikosh,

ec atje që të ndodhesh

afër ëndrrave të tua.

Rula Dhimitrokali

Në kupat e arëzuara të "Japides"

paraqitem e zverdhur,

me flokë të shpupurisura

në çastië që zhduken fieret.

paraqitem e zverdhur,

e çmueshme

me të mbajtur paraqitjen,

trupin drejt.

Në teori që takon në jetë

ëndërroj e marr me mend,

me pak dritë,

manteline bardhë të stërgjyshërve

që eci dhe ekzistoj.

Niki Filopulu

Rinia e Arkadhias

Rinia e Arkadhias,

shpirtra të lirë,

kurme të burrëruara,

djalëri e Arkadhias

rrugë shekujsh e lavdisë

dhe e nderit të skicuar.

Dhe lartësuat qiejve

shpresat dhe vizionet

që të përqafojnë zemrat

"Idealin Arkadik".

Lenia Hristoforu

Madhështia e dhuratës

Dashuria vlerësohet me dashuri,

dhurata me njohje,

me një falje dhe një pendim,

me mirënjohje dhe bindje,

bindja me sakrificë,

njohja me rritje,

kulturë dhe shërbim.

Andrea Karzis,

Preveza, Greqi

Eja

Si gëzimi në këtë mënyrë

trandafilat do të shpërthejnë

në shpirtin tim.

Eja

Si dielli në stuhi

të “prodhosh” paqe

në mbrëmjen e errët.

Eja

Mendimete mia në kuptim

janë çmendur

dhe shpresat

mund të luajnë.

Eja

Vetëm kështu zilet

do të tingëllojnë,

vetëm kështu gëzimi

do të mbushet metë vërtetën,

Vetëm në këtë mënyrë

mund të duroj e

të mposht dhimbjen time

në besueshmërinë e zemrës

në dritëzën embëlsore

të perëndimit.

Oh, lejoji mendimet e mia

të kenë trajtë paqësore

shëndetësisht.

Përktheu nga anglishtja:

Aleksandra Shabani

EFTIHIA KAPARDHELI,

Patra, Greqi

Hajku

*

Farëqetat

mbijnë në zemër

dhe në mendje një agim i

purpurt…

*

Pres degët e një

peme dhe yjet fillojnë

të dridhen…

*

Shtrëngoj erën e

stuhimtë

i kërkoj Botës

zogjtë e gjuajtur.

*

Në jehonën e dhimshme

të një thyerjeje

kam pluhurin e viteve…

*

Në trupin e një luleshege,

në nervat e gjetheve:

aroma e zemrës sime të

shtrenjtë.

*

Pas natës se yjeve

po pres zogjtë

e agimit, ëndërroj

të vërtetën e çastit.

*

Në përleshjen e jetës ngjaj

si një yll që nga retë

përpiqet të dalë…

*

Nëpër rrugët e vetmisë

sytë kryelartë

vizojnë kujtesën dhe

zemrën me diamante.

*

Vdekja e ditës

elegjon shpirti

në një kandil të vjetër.

*

Një pjatë e madhe e kristaltë

me petale luleshege mbushur

zemra ime.

Përkthyen nga greqishtja:

Kosta Gaxhoni

Kristaq F. Shabani

Jorgo Hronas[b][/b]

Imagjinare

Katë muzikë dëgjojnë sot dashnoret,

ndërsa dita prej orësh ka vdekur,

në lagjet e populluara,

në rrethinat e largëta,

deri poshtë në liman,

kur e mbështjellin

në konservat e peshkut të detit.

Dhe ata nuk kanë vendosur akoma

se kujt t'i aviten,

ndërsa mbërrijnë makinat e para të natës.

Qerpikë artificialë,

buzë të lyera

dhe fjalët pas xhameve të ulura

dëgjohen si era në pemë.

- Është fund muaji nuk ka hënë sonte.

Hyjnizim[b][/b]

Ndiqe këtë udhë

prapa shtëpive të rrënuara

do të shikosh detin.

Atë nuk do ta shikosh

duke notuar në ujë.

Rrobat e tij të lëna mbi shkëmb

mos i fal!

Ai nuk u përgjigjegj pyetjeve

dhe përshëndetjeve të ëmngjesit.

E përktheu: Dashamir Malo

Vasili Kalahani, Greqi

Nënë

Përse jam duke shkruar për ty,

nënë, në këtë mbremje?

çfarë dëshiroj nga ty,

kur ti ke humbur në errësirë?

Unë them se era është

e mjaftueshme për mua

që mbledh fletët e vdekura.

Era është e mjaftueshme për mua

që troket mbi dritaret e ngrira.

Ti, o mbrëmje, ti, o Nënë e madhe,

unë të kërkoj ndjesë,

lejoje shpirtin të fluturojë andej- këndej,

lejoje shpirtin tim të fluturojë,

si një flakë e vogël rreth e rrotull dritës.

Ora është katër e mëngjesit,

jam zgjuar prej kohësh

dhe jam duke u ngrirë.

Unë e ndiej shpirtin tim

në një dorë të akullt, të ftohtë.

Detet janë duke ulëritur jashtë,

duke kërkuar për çfarë?

Ndoshta diçka të tillë si zemra ime?

Një shpresë në mbrëmjen e zymtë?

Në prapaskenën e zezë,

në stolisjen e tokës

që përphap rreth e rrotull shtratit tim,

unë kërkoj apo pyes:

"Tani në ç'vorbull ndodhet dikush tjetër

i habitur si unë.

I ftohti si një shteg i ngrirë

që vetëm flet dhe i flet hiçit.

Niko Bacikanis

Kërcimtari i vetmuar

Kalorësi i biçikletës vetëm sërish

në tanikën e luftëtarëve të vetmisë u mbështoll.

Ai vizatoi kutinë e drejtë menjëherë...

dhe si një vijë lapsi,

ai ishte i humbur në horizont...

Ja ku është Ai!

Tani unë e shikoj përsëri atë,

aty ku ai është

duke u rrotulluar lakuriq

në shqetësimin e dallgëve shkumbëzuese.

Pikat e kristaleve

dhe avulli kaq i bardhë

stolisin stolisin fytyrën e tij.

Ngjyrat e ylberit kanë kurorëzuar ballin e tij.

Sytë e tij ngjyrë violetë

shuhen në retë e perëndimit të diellit.

Si kërcimtari vetmitar

akrobatët midis tokës

dhe qiellit,

i dashuruari i të gjithë harkut të njerëzve,

perëndeshë Afërdita dhe liroi me shpërblim.

Ai thërret ne për t'u ngjitur akoma më lart,

për shijuar melodinë hyjnore të Botës.

Përktheu nga anglishtja: Aleksandra Shabani

Lukia Vejianitu- Papaskalari

* * *

Dashuri je aroma e shpirtit që fluturon,

frymëmarrje shege pranverore,

buzëqeshje fëmije.

përkëdhelje e lehtë flladi,

dallga e shkuëzuar

Parajsa dhe qielli,

jeta bashkë me mëkatin.

Jorgo Petropulos[b][/b]

Epigram

Natyra e dyfishtë njerëzore,

Tokën urren e tokën dashuron,

nëse bukën siguron, ashtu siç duhet,

më pas veten dhe shpirtin rebelon.

Katerina Caliqi

Himni olimpik

Frymë e shenjtë e pavdekshme,

prind i ndershëm i së madhes,

i së bukurës, i së vërtetës,

zbrit , shfaqu dhe ndri këtu poshtë

lavdinë e tokës tënde dhe të qiellit.

Në rrugë dhe në përpjekje, ndër gurë,

në lojërat fisnike shkëlqe me vrundull,

me gjethe dafine kurorëzo,

të hekurt dhe me vlerë, trupin brumose.

Fusha e male e dete me ty shkëlqejnë

si një faltore dritëbardhë

dhe rend në faltoren tënde, pelegrin,

frymë e lashtë epavdekshme, çdo komb.

Pandeli Hloros

Çast

Spiranca ngeli në kripë

pa arritur fundin.

Anije e qëndruar

një pikë uji në det.

Koha

E shkuara dhe e tashmja

rendin njëherësh.

E tashmja

më e shpejtë në nisje,

dy metra ka fituar.

Potis Katrakis

Drithniku i madh

Gërmoje trupin tim,

Guri që të mbijë,

Trupin tim vadit,

Grurin që ta rrit.

Korre trupin

e me të ushqehu.

Trupi im është

Drithniku më i madh i botës.

Lëvroje trupin tim

Receta më e mençur

Është dëmshpërblimi më i madh q ë do të marr?

Ëshëtë ndëshkimi që do të marr kur të pendohem?

Për çfarë arsye bredh

me kaq dëshirë me kaq nxitim,

të kryej detyrimin erotik?

Shpërblimi a dhuna

është receta më e mençur

në lëvizjen e rrotave?

Eleni Karasavidhu

Vlera

"Je një njeri i artë, "- i tha.

Buzëqeshi me intelekt.

"Megjithëse unë,

nuk besoj tek ari i njerëzve,"

- u përgjigj.

"Vlera jonë, ndër të tjera

këtu qëndron,

mundohemi të ndrijmë,

edhe pse prej tunxhi.

Marianna Vllahu- Karamvali

Faqe ditari

Ndjek gjurmë çastesh

kohëvendesh zgjimi.

Penetroj lehtë,

si thikë e lustruar

nën lëkurën e kohës.

Orë të njëpasnjëshme

copëtojnë lëkurën time

hapembyllur kllapa

të të jetuarit...

Poezitë e mësipërme janë përkthyer nga poeti dhe përkthyesi Niko Xh. Ago. Marrë nga libri antologjik "Krijues bashkëkohorë grekë", botimet "Ianthos", Mars 2007

Nina Zisopulu

I dituri të gjitha thua se i di

dhe është e tepërt të tjera

fjalë të dëgjosh,

diçka tjetër të them.

Të gjitha thua se i di

dhe janë të gjitha të njohura

e zaret sa të hedhësh

do të jenë të njëjta përsëri.

Por mund ta dish,

po nëse nuk iki larg,

do të dhimbesh për mua

vetëm një herë.

Përktheu Fredi S. Mërkuri, botuar në Revistën "Shkrime bashkëkohore shqiptaro- greke"